Ostirala zen eta askotan bezala kaperara igotzeko prest genuen; gure galtzerdiak hartu genituen, betiko errituala egin genuen eta «interioritate» horietako ekintza berri bat hastera zegoen. Kasu honetan masaje goxo bat emango genion elkarri. Honaino ezer bezeririk, ostiral normal bat ematen zuen baina kaperara igotzera prestatu genuenean … Hara sorpresa !!!

Han zeuden gure gurasoak, guri itxaroten. Biak, aita edo ama eta umea,  koltxonetan berberean etzan  ziren eta Rociok esaten zuena besteek egiten zuten. Hankatik hasi ginen, bizkarra ere bai, eta bukatzeko buruan ere masaje zoragarri bat eman genion elkarri.

Horrela jarraitu ginen saio osoa eta bukatu aurretik besarkada eta musu goxo bana eman genion elkarri. Gurasoen zein umeen balorazioa oso ona izan zen, oso gustora egon baitziren eta ekintza desberdina iruditu zitzaien eta.

Hemendik gonbidatu nahi zaituztegu hurrengo honelako ekintzetara parte hartzera.

Lehenengo hiruhilabetean Josu gurekin egon da. Magisteritzako 2. mailako ikaslea da eta gure ikastetxea aukeratu du praktikak egiteko.

Hilabete honetan irakaslearekin batera jotake egon da ikasleak gauza pila bat ikasiarazteko eta izan dituen zalantza guztiak argitzeko.

Ikasleek asko maite dute Josu eta agurra egiteko momentuan, batek baino gehiagok emozionatu egin da. Azken egunetan marrazki batzuk prestatu dizkiogu gure oroipen polita izateko eta argazki batzuk ere atera ditugu.

Eskerrik asko Josu zure laguntzagatik eta ume guztien partetik itzuli nahi duzunean gurekin egoteko.

Muxu handi bat.

 Josurentzat ere esperientzia polita izan da eta hauxe kontatu digu.

«Esperientzia oso polita izan da niretzat. Unibertsitateko kurtsoa hasi nintzenean, zalantza asko izan nituen, ea irakaslea izatea nire bokazioa zen ala ez jakiteko. Hilabete honetan zalantza hauek desagertu dira. Konturatu naiz umeekin egotea asko gustatzen zaidala. Nire ustez, ikaragarria da zuk dakizuna besteei irakastea eta besteengandik ere ikastea.»